Uwo muririmvyi yamuka mugihugu ca Kenya agishika yarashimye ukuntu yatumiwe.Yaranashimiye n’amaradio n’imboneshakure aho yemeza ko biri muvyafashije kugira amenyekane ngaha i Burundi ndetse bitayeho agakundwa. Amakuru yo kwizera yemeza ko abenshi mu baririmvyi b’i Burundi baronkejwe akabahasha koba kangana na 5oo.ooofbu mbere ngo hoba hariho n’abatayashikanye.Ivyo biri uko mugihe uwo Jaguar wewe yoba yahawe amahera arenga ayo kure n’iyo.Amakuru amwe amenyesha ko yoba yahawe ama miliyoni 20. Bamwe na bariya bakamenyesha ko hamwe vyoba bimeze uko kwoba ari ugusuzuguza umuririmvyi w’umurundi.Twibutse ko uyo munya Kenya yavuye kuri Podium ataririmvye bivuye ku imvo z’igitoro cakamye muri groupe electrogene.Ariko rero naho vyabonetse ko yahavuye ashavuye,ico yaragenewe coco yarakironkejwe.Mu baririmvyi twashoboye kuyaga harimwo mbere n’ibihangange baranebagura iyo ngiro bati umwaka uza ntibize bisubire ngo bazopfume igifovya nkico cose bakigabanganira abaririmvyi batari bake bo ngaha i Burundi kandi ngo bariho bashoboye kuryosha ibirori abantu bagatamba bagatarika.Akajegeza  kandi ni  uko ico gifovya coba kiruta kure ishimwe ry’uwatsinze iryo higanwa Patient Matabaro we yatsindiye imiliyoni 15.