NIYONZIMA Nassor batazira Lolilo umwe mu baririmvyi rurangiranwa mu Gisagara ca Bujumbura, aridogera cane amashirahamwe akomakomeye ya hano mu Burundi ku kuntu ahemba amahera menshi abaririmvyi bava mu bihugu vyo hanze mu gihe baba bahaye intica ntikize abaririmvyi ba hano i Burundi. Umuririmvyi umwe umwe akaba aronka amahera yoba yababa 5.000.000 y’amarundi. Kubwa Lolilo, abo baririmvyi nta kintu na kimwe basumvya abaririmvyi b’abarundi mu bijanye n’akanovera k’imiziki bakora. None ubwo budasa bw’agahembo bufatiye kuki?